რუსეთსა და სამხრეთ ოსეთს შორის თანამშრომლობისა და ინტეგრაციის შეთანხმება ამიერკავკასიის უსაფრთოებისა და ჰუმანიტარულ ვითარებისთვის კონსტრუქციული კლიმატის შექმნას ხელს არ შეუწყობს. ამის შესახებ ევროკავშირის საგარეო პოლიტიკის კოორდინატორმა ფედერიკა მოგერინიმ განაცხადა.
"ხელშეკრულების ხელმოწერა, რომელიც 18 მარტისთვის იგეგმება, კიდევ ერთი ნაბიჯია, რომელიც რეგიონის უსაფრთხოებისა და სტაბილურობის წინააღმდეგ იქნება მიმართული. ეს შეთანხმება აშკარად არღვევს საქართველოს სუვერენიტეტსა და ტერიტორიულ მთლიანობას, საერთაშორისო სამართლის ნორმებსა და საერთაშორისო ვალდებულებებს, მათ შორის, 2008 წლის 12 აგვისტოს შეთანხმების პირობებს და არ აქვს არანაირი იურიდიული საფუძველი,"-აღნიშნა მოგერინიმ.
