პოლონეთის საგარეო საქმეთა მინისტრი გჟეგოკ სხეტინა დარწმუნებულია, რომ ევროკავშირმა საქართველოსა და უკრაინას ევროკავშირის ქვეყნებთან უვიზო რეჟიმის შემოღების შესაძლებლობა უნდა მისცეს.

ამასთან, ევროკავშირის წევრ სახელწმიფოებს შორის უკრაინისა და საქართველოსთვის უვიზო მიმოსლის რეჟიმთან დაკავშირებით ერთიანი პოზიცია აქამდე არ არსებობს.

სხეტინას თქმით, მაისში აღმოსავლეთ პარტნიორობის სამიტზე, ევროკავშირის ხელმძღვანელობამ ეს საკითხი სერიოზულად უნდა განიხილოს.
,,საქართველოსა და უკრაინისთვის ვიზების მოხსნა - ეს არის მოვლენა, რომელსაც სიმბოლური მნიშვნელობა აქვს.

თუ სამიტის განმავლობაში ამ საკითხთან დაკავშირებით დადებითი გადაწყვეტილების მიღება ვერ მოხერხდება, მაშინ ამ ქვეყნებს მიზნის მისაღწევად საჭირო ,,საგზაო რუქა” მაინც უნდა მივცეთ.” - განაცხადა სხეტინამ.
პოლონეთის საგარეო საქმეთა მინისტრი ამტკიცებს, რომ მომავალი სამიტი ევროკავშირის ეფექტურობის და იმის გამოცდა იქნება, თუ რისი მიცემა შეუძლია მას უკრაინისთვის.
ცოტა ხნით ადრე, ევროკავშირთან უვიზო რეჟიმის მიღების შესახებ იმედი უკრაინის პრეზიდენტმა პეტრო პოროშენკომაც გამოთქვა. თუმცა სპეციალისტების აზრით, უვიზო რეჟიმი უკრაინას მიმდინარე წლისთვის ,,არ ელოდება.”