უკრაინამ იარაღის, მათ შორის ლეტალური, მიღებაზე კონტრაქტი ევროკავშირის 11 ქვეყანასთან გააფორმა, - ამის შესახებ უკრაინის პრეზიდენტმა პეტრო პოროშენკომ ტელერხ "1+1"-სთვისმიცემულ ინტერვიუში განაცხადა.
მან ასევე მნიშვნელოვანი უწოდა აშშ-ის ადმინისტრაციის გადაწყვეტილებას უკრაინისთვის დაჯავშნული ავტომობილების, უპილოტო მფრინავი საშუალებების, რადიოსადგურების, რადარებისა და სხვა სახის სამხედრო აღჭურვილობის მიწოდების შესახებ, რომლის ღირებულება 70 მლნ დოლარია. პრეზიდენტმა ასევე აღნიშნა, რომ ამ ეტაპზე აშშ თავს იკავებს უკრაინისთვის ლეტალური იარაღის მიწოდებაზე.
„თუ უკრაინის წინააღმდეგ აგრესია კვლავ განახლდება, შემიძლია დაბეჯითებით განვაცხადო, რომ ჩვენ დაუყოვნებლივ მივიღებთ ლეტალურ იარაღს და აგრესორის მორიგ სანქციებს აგრესორის წინააღმდეგ“, - განაცხადა პოროშენკომ.
უკრაინის პრეზიდენტმა აღნიშნა, რომ ქვეყანა ამაღლებს საკუთარ თავდაცვისუნარიანობას: მიმდინარეობს დაზიანებული სამხედრო ტექნიკის აღდგენა, ატარებს ინტენსიურ სწავლებებს, ხდება ტანკების სავარაუდო შემოტევის მიმართულებების დანაღმვა და ეწყობა საინჟინრო ნაგებობები.
