პარლამენტში ყოველწლიური მოხსენებით გამოსვლისას პრეზიდენტი ძირითადად 9 თემაზე გაამახვილებს ყურადღებას. Aამის შესახებ პრეზიდენტის მრჩეველმა ეკონომიკურ საკითხებში გიორგი აბაშიშვილმა ბიზნესექტორის წარმომადგენლებთან შეხვედრისას განაცხადა.
,,ჩვენი მხრიდან შემუშავებულია ძირითადი თემები, საკითხები, რომელზეც საქართველოს პრეზიდენტი მომდევნო კვირას დაგეგმილი გამოსვლის დროს ყურადღებას გაამახვილებს. მინდა სწორედ აღნიშნული თემების შესახებ გესაუბროთ, ვინაიდან ჩვენთვის მნიშვნელოვანია თქვენი შეფასებები და მოსაზრებები. ძირითადად არის 9 თემა, რაზეც საქართველოს პრეზიდენტი აპირებს რომ ყურადღება გაამახვილოს", - განაცხადა გიორგი აბაშიშვილმა.
შეგახსენებთ, რომ პრეზიდენტი პარლამენტში ყოველწლიური მოხსენებით 18 მარტს წარსდგება.
