სამხრეთ ოსეთის დეფაქტო პარლამენტი შს მინისტრს უნდობლობას უცხადებს. დავით სანაკოევს რუსეთთან ინტეგრაციის გაღრმავების მოწინააღმდეგედ აცხადებენ. დეფაქტო მინისტრმა შსს-ს მუშაობის შესახებ პარლამენტს ანგარიში დღეს წარუდგინა, რის შემდეგაც დეპუტატებმა კენჭისყრით გადაწყვიტეს, რომ სამინისტროს მუშაობა არადამაკმაყოფილებელია. სანაკოევის წინააღმდეგ ხმა 19-მა დეპუტატმა მისცა, შსს-ს მუშაობა კი დამაკმაყოფილებლად 10-მა დეპუტატმა მიიჩნია. ამის შემდეგ პარლამენტის თავმჯდომარის მოადგილემ დიმიტრი ტასოევმა სანაკოევისთვის უნდობლობის ვოტუმის გამოცხადების საკითხი დააყენა.
