სამი მცდელობის მიუხედავად პარლამენტში რიგგარეშე სხდომა კვორუმის არასებობის გამო ჩაიშალა
რიგგარეშე სხდომაზე 12:00 საათისთვის მხოლოდ 31 დეპუტატი გამოცხადდა. აღნიშნული რაოდენობა სხდომის დასაწყებად საკმარისი არ არის და საჭიროა 76 დეპუტატის ყოფნა.
საკანონმდებლო ორგანოში ,,ნაციონალური მოძრაობისა” და ,,თავისუფალი დემოკრატების” წევრები, ასევე დამოუკიდებელი დეპუტატი, ვიცე-სპიკერი მურმან დუმბაძე იმყოფებიან.
სხდომაზე კოლიცია ,,ქართული ოცნებიდან” ვიცე-სპიკერი ზვიად ძიძიგური იმყოფება, რომელიც პარალამენტის თავმჯდომარის დავით უსუფაშვილის მოვალეობას ასრულებდა.
დეპუტატება ხელახალი რეგისტრაცია ათი წუთის შემდეგც კვლავ გაიარეს, თუმცა დარბაზში მხოლოდ 34 კანონმდებელი გამოცხადდა. ხელახალი რეგისტრაცია 45 წუთის შემდეგ კვლავ შედგა, სადაც 40 დეპუტატი გამოცხადდა.
რიაგარეშე სხდომაზე კანონმდებლებმა ქვეყანაში შექმნილ ეკონომიკურ მდგომარეობაზე უნდა ემსჯელათ.
