რუსეთი ვითარების დესტაბილიზაციას არა მარტო უკრაინაში, არამედ საქართველოსა და მოლდოვაშიც ეწევა.
ამის შესახებ პოლონეთის პრემიერ-მინისტრმა ევა კოპაჩმა ვარშავაში, საფრანგეთის პრემიერთან მანუელ ვალსთან შეხვედრაზე განაცხადა.
პოლონეთის მინისტრთა კაბინეტის ხელმძღვანელმა აღნიშნა, რომ რუსეთი მინსკის ხელშეკრულების პირობებს არ იცავს, ამიტომ ევროკავშირი მოსკოვის წინააღმდეგ უფრო მკაცრ სანქციებს ამუშავებს.
კოპაჩის თქმით, ის აღმოსავლეთ უკრაინაში კონფლიქტის დიპლომატიური გზით მოგვარების მომხრეა.
მის აზრს იზიარებს საფრანგეთის პრემიერ-მინისტრი მანუელ ვალსიც, რომელმაც განაცხადა, რომ დონბასში ვითარება ისევ დაძაბულია.
