საქართველოს ექს-პრეზიდენტმა და უკრაინის პრეზიდენტის ამჟამინდელმა მრჩეველმა მიხეილ სააკაშვილმა კიევში საცხოვრებლად გადასვლის შემდეგ ავტომობილის შეძენა ვერ შეძლო.
ამის შესახებ მან სატელევიზიო შოუ ,,Шустер Live” - ში გამოსვლისას ისაუბრა.
,,ჰიუნდაის” ყიდვა მინდოდა, მაგრამ ეს ავტომობილი უკრაინაში იმდენივე ღირს, რამდენიც ჩემს სამშობლოში, საქართველოში - ,,მაძერატი.” - განაცხადა სააკაშვილმა და ავტომობილების ასეთი სიძვირე იმპორტის მაღალი გადასახადით ახსნა.
ექს-პრეზიდენტის თქმით, ის კიდევ ერთ არასასიამოვნო სიურპრიზს მაშინ გადაეყარა, როცა კიევის ერთ-ერთ რაიონში სახლის ასაშენებლად მიწის ნაკვეთის შეძენა გადაწყვიტა.
,,მიწის შეძენისა და მშენებლობის დასაწყებად საჭირო ნებართვის აღების პროცედურები უკრაინაში ძალიან გაჭიანურებულია.” - აღნიშნა მან.
