საქართველოს საგარეო საქმეთა მინისტრის მოადგილე გიგი გიგიაძე საქართველოში ნიდერლანდების სამეფოს ელჩს ჰანს ჰორბახს შეხვდა.
მხარეებმა განიხილეს ორმხრივი და მრავალმხრივი თანამშრომლობის ფართო სპექტრი და შემდგომი განვითარების პერსპექტივები. მათ შორის, ევროპულ და ევროატლანტიკურ სტრუქტურებში საქართველოს ინტეგრაციის პროცესი, სავიზო რეჟიმის ლიბერალიზაციის მნიშვნელობა და ამ მიმართულებით, ბოლო პერიოდში მიღწეული წარმატებები. ასევე, განხილულ იქნა ორ ქვეყანას შორის ეკონომიკური თანამშრომლობის კიდევ უფრო გაღრმავების შესაძლებლობები.
საგარეო უწყების ცნობით, მინისტრის მოადგილემ მადლობა გადაუხადა ელჩს ნიდერლანდების სამეფოს მიერ საქართველოსათვის გაწეული მხარდაჭერისათვის.
