სრულიად საქართველოს მუსლიმთა სამმართველო მთავრობისგან დაფინანსებას მიიღებს. მთავრობის № 2 80 განკარგულებაში აღნიშნულია, რომ მთავრობის სარეზერვო ფონდიდან სულ 4 მლნ ლარის გამოყოფა მოხდება და აღნიშნულო თანხა მთლიანად, ბათუმში ანგისის დასახლებაში არსებული ორი უძრავი ნივთის შეძენისათვის გამოეყო.
„საქართველოს მთავრობის სარეზერვო ფონდიდან აჭარის ავტონომიური რესპუბლიკისათვის თანხის გამოყოფის შესახებ“ საქართველოს მთავრობის 2015 წლის 5 თებერვლის № 140 განკარგულებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლის თანახმად, „საქართველოს მთავრობის სარეზერვო ფონდიდან აჭარის ავტონომიური რესპუბლიკისათვის თანხის გამოყოფის შესახებ“ საქართველოს მთავრობის 2015 წლის 5 თებერვლის №140 განკარგულებაში შეტანილ იქნეს ცვლილება და ტექსტი ჩამოყალიბდეს შემდეგი რედაქციით:
„სსიპ - სრულიად საქართველოს მუსლიმთა სამმართველოსათვის სარგებლობაში გადასაცემი ქონების (ქ. ბათუმში ანგისის დასახლებაში არსებული ორი უძრავი ნივთის - მიწის (უძრავი ქონების) საკადასტრო კოდები: 05.32.01.049 და 05.32.01.316) შეძენის მიზნით, საქართველოს ფინანსთა სამინისტრომ, ,,საქართველოს 2015 წლის სახელმწიფო ბიუჯეტის შესახებ“ საქართველოს კანონით განსაზღვრული საქართველოს მთავრობის სარეზერვო ფონდიდან, აჭარის ავტონომიურ რესპუბლიკას გამოუყოს 4 000 000 ლარი”,- აღნიშნულია მთავრობის განკარგულებაში.
