პარლამენტის წევრს, თამაზ ავდალიანს, დღეს დაკრძალავენ.
დეპუტატი 51 წლის ასაკში 30 იანვარს მძიმე ავადმყოფობის შედეგად გარდაიცვალა.
თამაზ ავდალიანი 1964 წლის 16 სექტემბერს ქ. თბილისში დაიბადა. დაამთავრა თბილისის ი. ჯავახიშვილის სახელობის სახელმწიფო უნივერსიტეტი სამართალმცოდნეობის განხრით. 1991-2006 წლებში იყო საქართველოს ადვოკატთა კოლეგიის წევრი. 2006-2012 წლებში საქმიანობა სსიპ „საქართველოს ადვოკატთა ასოციაციაში" განაგრძო.
2012 წლიდან, თამაზ ავდალიანი, საარჩევნო ბლოკ „ბიძინა ივანიშვილი-ქართული ოცნების" პარტიული სიით, მე-8 მოწვევის საქართველოს პარლამენტის წევრი იყო. იგი ხანმოკლე, მძიმე ავადმყოფობის შედეგად, 30 იანვარს გარდაიცვალა.
თამაზ ავდალიანის ოჯახს სამძიმარს კიდევ ერთხელ გამოუცხადებენ საქართველოს პარლამენტის თავმჯდომარე და პარლამენტის წევრები.
მისამართი: ვარკეთილი 3, III მიკრორაიონის მიმდებარე ტერიტორია. გამოსვენება 14:00 საათზე, იეზიდთა სამლოცველოდან.