აღმოსავლეთ უკრაინაში მიმდინარე ბრძოლებში დაჭრილ დონბასელ სეპარატისტებს სამკურნალოდ არამარტო დონეცკის, ლუგანსკის, ყირიმისა და როსტოვის ჯანდაცვის დაწესებულებებში, არამედ აფხაზეთშიც, კერძოდ, გაგრაში აგზავნიან.
ამის შესახებ ერთ-ერთი ოდესური ინტერნეტგამოცემა იუწყება.
ოდესელი ჟურნალისტების ინფორმაციით, გაგრის რესპუბლიკურ სარეაბილიტაციო ცენტრში დონბასელი ტერორისტებისთვის სარეაბილიტაციო კურსის ჩატარებას, ადგილობრივი ხელისუფლების მხარდაჭერით, ოკუპირებულ აფხაზეთში არსებული ავღანეთის ვეტერანთა კავშირი უზრუნველყოფს.
ტერორისტები ოკუპირებული აფხაზეთის თავდაცვის სამინისტრომ ,,სამხედრო თანამშრომლობისთვის" სპეციალური მედლებით დააჯილდოვა.
ამას ადასტურებს ოკუპირებული აფხაზეთის თავდაცვის მინისტრის ხელმოწერილი მოწმობები, სადაც აღნიშნულია, რომ სეპარატისტებს მედლები ,,დონბასის ძმურ ხალხთან სოლიდარობისა და მეგობრობის ნიშნად" გადაეცათ.
მასალის გამოყენების პირობები
