ყოფილი პრემიერ-მინისტრის ზურაბ ჟვანიას დაცვის წევრის მიხეილ ძაძამიას ინფორმაციით, როდესაც ისინი შემთხვევის ადგილზე შევიდნენ მათ ცხედრებზე რაიმე სახის დაზიანება არ შეუნიშნავთ. ძაძამიამ დღეს მომხდარი საქალაქო სასამართლოში გაიხსენა.
"დანამდვილებით მინდა ავღნიშნო, რომ არცერთ ცხედარს არანაირი დაზიანება არ ჰქონდათ. ჩვენ ბატონი რაული გავიყვანეთ და ჩავსვით ჩვენს მანქანაში, მე მეჭირა ფეხები და გაგვივარდა კიდეც. მერე უკვე დავაბრუნეთ თავის ადგილას,"- განაცხადა სასამართlო პროცესზე მიხეილ ძაძამიამ.
ბრალდების მხარე კი მიიჩნევს, რომ მიხეილ ძაძამია და კობა ხარშილაძე ყოველ სხდომაზე და დაკითხვის დროს სხვადასხვა ინფორმაციას ავრცელებენ.
"ისინი გამუდმებით ცვლიან ჩვენებას და აქვთ აღიარებითი ჩვენება. მე დღევანდელი სხდომიდან ვერაფერი ღირებული ვერ მოვისმინე,"- განაცხადა პროკურორმა რევაზ ნადოიმ.
დღესვე სასამართლო სხდომაზე მოსამართლემ პატიმარ თეიმურაზ გვარაძის წერილი წაიკითხა.
წერილში, რომელიც სასამართლოს მსჯავრდებულმა გაუგზავნა ნათქვამია, რომ ზურაბ ჟვანია თელავში მოკლეს და ის მზად არის ჩვენების მისაცემად.
