რუსეთის საგარეო საქმეთა მინისტრი სერგეი ლავროვი ტელეკომპანია CNN-ისთვის ბარაკ ობამას მიერ მიცემულ ინტერვიუს გამოეხმაურა.
,,ბარაკ ობამას სიტვები, რომელიც უკრაინის ხელისუფლების შეცვლაში აშშ-ს როლს ეხებოდა, იმის დასტურია, რომ ანტისახელისუფლებო გადატრიალებაში შტატები თავიდანვე პირდაპირ იყო ჩართული." - განაცხადა მან.
,,პრეზიდენტმა პუტინმა ყირიმთან და უკრაინასთან მიმართებაში გადაწყვეტილება მიიღო არა რამე დიდი სტრატეგიის მიზნით, არამედ იმიტომ, რომ მაიდანზე მიმდინარე პროტესტის და უკრაინაში ჩვენი შუამავლობით ხელისუფლების ჩანაცვლების შემდეგ იანუკოვიჩის გაქცევის გამო კუთხეში იყო მიმწყვდეული." - აღნიშნა ზემოთხსენებულ ინტერვიუში აშშ-ს პრეზიდენტმა.
სწორედ ამ სიტყვებზე გააკეთა კომენტარი ლავროვმა და აშშ-ს ბრალი იმაში დასდო, რომ ვაშინგტონი უკრაინის კონფლიქტის ძალადობრივი გზით მოგვარებას უჭერს მხარს.
თავის ინტერვიუში ბარაკ ობამამ იმაზეც ისაუბრა, რომ აღმოსავლეთ უკარინაში კონფლიქტის ესკალაცია პუტინის იმ ცუდ გადაწყვეტილებებზე მეტყველებს, რასაც ის რუსეთის სახელით იღებს.
ამასთან, აშშ-ს პრეზიდენტის თქმით, არსებობს შეზღუდვები, რაც ვაშინგტონს კონფლიქტის სამხედრო გზით მოგვარებაში უშლის ხელს, მით უმეტეს, როცა უკრაინა ნატო-ს წევრი ქვეყანა არ არის.
მასალის გამოყენების პირობები