მიხეილ სააკაშვილმა შესაძლოა უკრაინის ეროვნულ ანტიკორუფციულ ბიუროს უხელმძღვანელოს. ამის შესახებ უკრაინული გამოცემა "ცენზორ.ნეტი" იტყობინება.
გამოცემისთვის მიცემულ ინტერვიუში საქართველოს ექსპრეზიდენტი ადასტურებს, რომ ბიუროს ხელმძღვანელის პოსტზე გამოცხადებულ კონკურსში მონაწილეობას მიიღებს.
სააკაშვილის თქმით, კორუფცია უკრაინას არანაკლებ საფრთხეს უქმნის, ვიდრე რუსული ჯარები და ტანკები.
უკრაინაში კორუფციასთან ბრძოლას საქართველოს ექსპრეზიდენტი ქართული გამოცდილებით აპირებს.
