,,თავისუფალი დემოკრატების" ოფისში გამგეობის სხდომა გაიმართა. შეხვედრაზე საუბარი მიმდინარე პოლიტიკურ საკითხებს და სამომავლო გეგმებს შეეხო.
,,თავისუფალი დემოკრატების" ლიდერებმა იმსჯელეს პარტიული მშენებლობის საკითხებზე; დეტალურად განიხილეს სამოქმედო გეგმები და სტრატეგია. ასევე შეჯამდა მოსახლეობასთან რეგიონებში გამართული შეხვედრები. დეტალურად იმსჯელეს იმ პრობლემურ თემებზე, რომელიც ყველაზე მწვავედ აწუხებს საქართველოს რეგიონების მოსახლეობას და მათი გადაჭრის გზებზე.
გამგეობის წევრთა შეხვედრიაზე, მთავარი განსახილველი საკითხი, უზენაესი სასამართლოს თავმჯდომარის კანდიდატურა იყო.
გამგეობის ფარგლებში "თავისუფალმა დემოკრატებმა" კონკრეტული კანდიდატები განიხილეს და უზენაესი სასამართლოს თავმჯდომარის წარდგენის საკითხზე იმსჯელეს.
გამგეობის შეხვედრაზე, ასევე ისაუბრეს, საქრთველოს პარლამენტის საგაზაფხულო სესიაზე განსახილველ კანონპროექტებზე და იმ ინიციატივებზე, რომელსაც პარლამენტის დღის წესრიგში თავისუფალი დემოკრატები დააყენებენ.
(თავისუფალი დემოკრატების გამგეობა: ირაკლი ალასანია, ალექსი პეტრიაშვილი, მაია ფანჯიკიძე, ნინო გოგუაძე, ირაკლი ქადაგიშვილი, ირაკლი ჩიქოვანი, ვიქტორ დოლიძე, ზურაბ აბაშიძე, დავით ზალკალიანი, გიორგი ცაგარეიშვილი, შალვა შავგულიძე, დავით ონოფრიშვილი, თამაზ შიოშვილი, ნონა თორდია, ნინელი ფუტკარაძე, გოგლიკო მუსხელიშვილი, სულხან ღლონტი, თემურ სალუქვაძე).
