ჩელიაბინსკის წმინდა ბასილი დიდის სახელობის ტაძარში 27 იანვარს, საქართველოს განმანათლებლის წმინდა ნინოს ხესენების დღეს საზეიმო წირვა რუსულ და ქართულ ენაზე ჩატარდა.
ამის შესახებ საინფორმაციო სააგენტო ,,იუჟნოურალსკაია პანორამა" იუწყება.
წირვა ტაძრის წინამძღვარმა დეკანოზმა სერგეი სევასტიანოვმა აღასრულა, რომელიც დიდიხანია, ქართული კულტურის მიმართ დაინტერესებას იჩენს.
ის ბათუმსა და თბილისში, სხვადასხვა ტაძრებსი მოღვაწეობდა კიდეც, სადაც ქართული ენა შეისწავლა და ღვთისმსახურების დროს ლოცვებს ხშირად ქართულად კითხულობს, მგალობლებიც ,,გოსპადი პამილუის" ნაცვლად ,,უფალო შეგვიწყალეს" გალობენ.
ასე იყო გუშინაც, წმინდა ნინოს ხსენების დღეს, როცა ჩელიაბინსკის ბასილი დიდის ტაძარში ,,მამაო ჩვენო" რამდენჯერმე ქართულად შესრულდა.
ქართული ენით რუსი წინამძღვრის ასეთი გატაცების გამო წმინდა ბასილი დიდის ტაძარი ჩელიაბინსკში მცხოვრები ქართველებისთვის მთავარ სალოცავ ადგილად იქცა.
საინფორმაციო სააგენტოს ცნობით, ჩელიაბინსკის ოლქში მოსახლეობის აღწერის ბოლო მონაცემებმა აჩვენა, რომ იქ 1796 ქართველი ცხოვრობს.
