ნატოს სპეციალური წარმომადგენელი კავკასიასა და ცენტრალურ აზიაში ჯეიმს აპატურაი ნატოში საქართველოს უკვე ყოფილი ელჩის ლევან დოლიძის მოღვაწეობას სოციალურ ქსელში ეხმიანება და პოზიტიურად აფასებს.
,,გამოსამშვიდობებელი სადილი საქართველოს შესანიშნავ ელჩთან ნატოში, ლევანთან და მის მომხიბვლელ მეუღლე ქეთევანთან. შეიძლება ის არ არის განათლებით დიპლომატი, მაგრამ მან დიდი სამსახური გაუწია საქართველოს. ასევე, მქონდა სიამოვნება შევხვედროდი საქართველოს ელჩს ევროკავშირში, რომელმაც ასევე აშკარად ბევრი გააკეთა, რათა საქართველოს ევროპული მომავლის განმტკიცებაში დახმარებოდა", - წერს აპატურაი.
შეგახსენებთ, რომ ნატო-ში საქართველოს ელჩმა ლევან დოლიძემ პოსტი ოფიციალურად 26 იანვარს დატოვა.
