ვაზაგაშვილების საქმეზე იურიდიული კომიტეტის დახურული სხდომა არ გაიმართება. კომიტეტის თავმჯდომარის ვახტანგ ხმალაძის განცხადებით, იგი პირადად ესაუბრა მთავარ პროკურორს, რის შემდეგად გადაწყდა, რომ ამ ეტაპზე არ არის მიზანშეწონილი ასეთი სხდომის ჩატარება და საგამოძიებო უწყებების წარმომადგენელთა პარლამენტში მისვლა.
გადაწყვეტილება მიუღებელია საპარლამენტო ოპოზიციისათვის.
დახურული სხდომის გამართვას უმრავლესობის წევრები ითხოვდნენ, თუმცა ამ ინიციატივას უმრავლესობის წევრთა ნაწილი მხარს არ უჭერდა.
შეგახსენებთ, რომ იური ვაზაგაშვილი 20 იანვარს, შვილის, ზურაბ ვაზაგაშვილის საფლავზე გარდაცვლილი იპოვნეს. ის აფეთქების შედეგად დაიღუპა. აღნიშნულ ფაქტთან დაკავშირებით მთავარმა პროკურატურამ გამოძიება სისხლის სამართლის კოდექსის 109-ე მუხლით დაიწყო, რაც დამამძიმებელ გარემოებაში განზრახ მკვლელობას გულისხმობს.
იური ვაზაგაშვილი წლების მანძილზე ითხოვდა 2006 წელს, სპეცოპერაციის შედეგად დაღუპული შვილის, ზურაბ ვაზაგაშვილის საქმის გამოძიებას, რომელიც ამ დრომდე არ არის დასრულებული.
