პრემიერმა ირაკლი ღარიბაშვილმა შს უკვე ყოფილი მინისტრის ალექსანდრე ჭიკაიძის მოთხოვნა დააკმაყოფილა და მისი გათავისუფლების შესახებ ბრძანებას ხელი მოაწერა. ამის შესახებ, ,,ჯი-ეიჩ-ენს" მთავრობის ადმინისტრაციის პრესამსახურში განუცხადეს.
შეგახსენებთ, რომ 23 იანვარს შს მინისტრმა ალექსანდრე ჭიკაიძემ თანამდებობა დატოვა და საგანგებო განცხადება გააკეთა:
"მინდა მივმართო საქართველოს პრემიერ-მინისტრს გადადგომის მოთხოვნით. ჩემი ეს გადაწყვეტილება განაპირობა ბოლო დროს გაჟღერებულმა ბრალდებებმა, თითქოს მე ხელს ვაფარებ ზურა ვაზაგაშვილის მკვლელობაში მონაწილე პირებს. მიუხედავად იმისა, რომ ეს ბრალდება არ შეესაბამება სიმართლეს, მე ვგრძნობ მორალურ პასუხისმგებლობას და ვტოვებ დაკავებულ თანამდებობას.
იმ შემთხვევაში, თუ მოხდებოდა ცხელ კვალზე იური ვაზაგაშვილის მკვლელობის გამოძიება, მე არ მივიღებდი ასეთ გადაწყვეტილებას. ამ ტრაგედიის დღეს მე არ ვიმყოფებოდი საქართველოში. ვინაიდან გამოძიება გრძელდება, ვთვლი, რომ უნდა ჩამოვშორდე პროცესს, რათა საზოგადოებას არ დარჩეს კითხვები ხელისუფლების მიმართ.გამოვთქვამ იმედს, რომ უახლოეს მომავალში გამოძიება დასრულდება და ყველაფერს თავისი სახელი დაერქმევა".
მასალის გამოყენების პირობები
