საგანგებო და გადაუდებელი სიტუაციების მართვის სააგენტო შინაგან საქმეთა სამინისტროს დაქვემდებარებაში გადავიდა.
როგორც დედაქალაქის მთავრობის დღევანდელ სხდომაზე თბილისის მერმა დავით ნარმანიამ განაცხადა, საგანგებო სიტუაციების სამსახური ქვეყნის მასშტაბით ცენტრალიზებული გახდა. ამდენად, სახანძრო -სამაშველო სამსახური შინაგან საქმეთა სამინისტროს დაექვემდებარა.
მისივე თქმით, საგანგებო და გადაუდებელი სიტუაციების მართვის სააგენტოს გამოეყო და ცალკე ჩამოყალიბდა სსიპ „ცხოველთა მონიტორინგის სამსახური", რომელიც თბილისის მერიის დაქვემდებარებაში რჩება. გარდა ამისა, მერიის დაქვემდებარებაში რჩება სასწრაფო სამედიცინო სამსახური.
