თბილისის მუნიციპალიტეტის საკრებულოს მაჟორიტარი წევრი გულიკო ზუმბაძე დღეს ვარკეთილის დასახლების მაცხოვრებლებს შეხვდა და მათი პრობლემები მოისმინა.
დეპუტატს მოსახლეობამ ამავე რაიონში მდებარე სპორტული დარბაზის აღდგენა სთხოვა.
საკითხის შესწავლის მიზნით, გულიკო ზუმბაძემ ავარიული შენობა დაათვალიერა და ამასთან დაკავშირებით მწვრთნელებისა და სპორტსმენების მოსაზრებაც მოისმინა.
როგორც გაირკვა, შესაბამისი პირობების არარსებობის გამო მწვრთნელები სპორტსმენებს საკუთარი სურვილით, ენთუზიაზმის ხარჯზე ავარჯიშებენ, რისთვისაც საკრებულოს წევრმა მათ მადლობა გადაუხადა და ამასთან, უახლოეს მომავალში ვარჯიშისთვის შესაბამისი პირობების შექმნას დაჰპირდა.
დღესვე გულიკო ზუმბაძე ამავე დასახლებაში მცხოვრებ ყოფილ კალათბურთელს,
პირველი ჯგუფის ინვალიდს 65 წლის ნარგიზა გომარელს ესტუმრა, მას შობა-ახალი წელი მოულოცა და საახალწლო ნობათი გადასცა.
