ადრიატიკის ზღვაში "ნორმან ატლანტიკზე" დაღუპული მამა ილია კარტოზიას ცხედარს საქართველოსი, 17 იანვარს შაბათს ჩამოასვენებენ. ამის შესახებ, ,,საზოგადოებრივი მაუწყებლის" ეთერში საქართველოს საპატრიარქოს დასავლეთ ეპარქიის არქიმანდრიტმა მოსემ განაცხადა.
,,ბარში, წმინდა ნიკოლოზის სახელობის ეკლესიაში მოღვაწე სასულიერო პირთა მხრიდან გათვალისწინებული იქნა მამა ილიას უკანასკნელი სურვილი, რადგან ის მობრძანდებოდა წმინდა ნიკოლოზის საფლავის მოსალოცად და დასავლეთ ევროპის ეპარქიის მიტროპოლიტ აბრაამის კურთხევით, მე, როგორც აქაური სამრევლოს წინამძღვარი, მამა ილიას სულის მოსახსენებელ წირვას პარასკევს დილით, წმინდა ნიკოლოზის საფლავზე აღვასრულებ. ამის შემდეგ, შაბათს მოხდება მამა ილიას ცხედრის ჩამოსვენება საქართველოში", - განაცხადა არქიმანდრიტმა მოსემ.
შეგახსენებთ, რომ მცხეთის მამათა მონასტრის წინამძღვარი, მამა ილია კარტოზია, რომელიც მოსალოცად იყო წასული იტალიაში ბორან "ნორმან ატლანტიკზე" გაჩენილი ხანძრის შედეგად დაიღუპა.
"ნორმან ატლანტიკზე" გაჩენილი ხანძრის შედეგად სულ 11 ადამიანი დაიღუპა.
