აღმოსავლეთ უკრაინაში სამხედრო მოქმედებების შედეგად დაღუპულთა რაოდენობამ 4800-ს გადააჭარბა. საგანგაშო სტატისტიკას გაეროს ჰუმანიტარულ საკითხთა კომისია აქვეყნებს. ამავე მონაცემებით, დაშავებულთა რაოდენობა 10360-ს აღემატება. იძულებით გადაადგილებულ პირთა საერთო რაოდენობა 1,2 მილიონს შეადგენს. აქედან, ნახევარ მილიონზე მეტმა ადამიანმა ქვეყანა დატოვა. დღეისათვის საომარი მოქმედებების ზონაში 5,2 მილიონამდე ადამიანი რჩება. 1,4 მილიონამდე ადამიანი ჰუმანიტარული კატასტროფის პირასაა და გადაუდებელ დახმარებას საჭიროებს.
