ყირიმის დეფაქტო ხელისუფლება ადგილობრივი საწარმოების ნაციონალიზაციას ძალის გამოყენებით ახორციელებს. ამის შესახებ New York Times წერს. გავრცელებული ინფორმაციით, ხელისუფლების დაქვემდებარებაში მყოფი შეიარაღებული ჯგუფები საწარმოებში შედიან და მეპატრონეებს ბიზნესს მუქარით ართმევენ. ერთ-ერთი ასეთი დაზარალებული ქერჩში მოღვაწე ბიზნესმენი ნიკოლაი კუზმენკოა, რომლის განცხადებითაც, ე.წ. "სახალხო მილიციამ" მის საწარმოზე ნამდვილი სამხედრო ოპერაცია განახორციელა და კომპანია უკანონოდ მიითვისა. რუსეთმა ყირიმის ანექსია 10 თვის წინ განახორციელა, რის შემდეგაც ადგილობრივ მეწარმეებს მილიარდი დოლარის ღირებულების აქტივები წაართვეს.
მასალის გამოყენების პირობები
