სოციალურად დაუცველი ნათია ბენიაშვილი შპს „თბილსერვისჯგუფში" დასაქმდა. მარტოხელა დედას დღეს პირველი სამუშაო დღე ჰქონდა. მან ცხელი ხაზის ოპერატორად დაიწყო მუშაობა.
თბილისის მერიის ქვემდებარე ერთ-ერთ უწყებაში დასაქმებას ნათია ბენიაშვილს დედაქალაქის მერი დავით ნარმანია 31 დეკემბერს, ახალსახლობისას დაპირდა.
ნათია ბენიაშვილის სამსულიანი ოჯახი ახალ წელს ახალ ბინაში შეხვდა. კეთილმოწყობილი ბინა ოჯახს თბილისის მერიამ და ნაძალადევის რაიონის გამგეობამ უქირავა, რომელიც ოჯახს ბინის ქირით იმ დრომდე უზრუნველყოფს, ვიდრე ეს საჭირო იქნება.
ახალ ბინაში გადასვლამდე, ოჯახური ძალადობის მსხვერპლი მარტოხელა დედა 10კვ. მეტრის ფართის ბინაში, გაუსაძლის პირობებში ცხოვრობდა.
