დაავადებათა კონტროლის ეროვნული ცენტრის სამეცნიერო საბჭოს ხელმძღვანელის პაატა იმნაძის განცხადებით, ამ სეზონზე გრიპის ვირუსი ჯერ არ გამოვლენილა, თუმცა ვირუსის გააქტიურება თებერვალშია მოსალოდნელი.
,,გაციება შარშანდელთან შედარებით მეტია, მაგრამ გრიპი ჯერ არ გამოჩენილა. სახელმწიფო პროგრამით გრიპზე ჩვილ ბავშვთა სახლები, მოხუცთა თავშესაფრები, დიალიზზე მყოფი პაციენტები, ექიმების გარკვეული რაოდენობა და დიაბეტიანი ბავშვები აიცრნენ. გრიპის ვირუსის მატება თებერვლის დასაწყისიდან დაიწყება. ყველაზე მეტ შემთხვევას თებერვლის ბოლოს და მარტის დასაწყისში ველით. ვირუსული ინფექციების მხრივ წელს ბევრად მშვიდი წელია", -განაცხადა ჟურნალისტებთან იმნაძემ.
პაატა იმნაძე მოსახლეობას ურჩევს, პრევენციის მიზნით, დაიცვან ჰიგიენური ნორმები.
,,ყველას ვურჩევ, რომ ხშირად დაიბანონ ხელები და გრიპის შემთხვევაში სამსახურში და სკოლაში არ იარონ", - განაცხადა პაატა იმნაძემ.