თავდაცვის ყოფილი მინისტრი და ,,თავისუფალი დემოკრატების" ლიდერი პარტიის საფრანგეთში დაღუპული ჟურნალისტების და სამართალდამცავების ოჯახებს, ფრანგ ხალხს და საფრანგეთის ხელისუფლებას უსამძიმრებს.
ალასანიას განცხადებით, Charlie Hebdo" რედაქციაზე მომხდარი თავდასხმა დემოკრატიული ღირებულებების წინააღმდეგ მიმართული აქტი იყო.
,,ჩვენ ვგმობთ ტერორიზმს მისი ყველა გამოვლინებით. "Charlie Hebdo" რედაქციაზე მომხდარი თავდასხმა დემოკრატიული ღირებულებების წინააღმდეგ მიმართული აქტი იყო. ეს კაცობრიობის წინაშე ჩადენილი კიდევ ერთი მძიმე დანაშაულია. ქართველი ხალხი, ცივილიზებულ სამყაროსთან ერთად, ყოველთვის იბრძოდა და იბრძოლებს თანამედროვეობის ამ უდიდესი საფრთხის წინააღმდეგ, ისევე როგორც ჩვენი სამხედროები საერთაშორისო მისიებში.კიდევ ერთხელ დიდი მწუხარებით ვუსამძიმრებ დაღუპულთა ოჯახებს და ფრანგ ხალხს", _ნათქვამია ალასანიას სამძიმრის განცხადებაში.
შეგახსენებთ, რომ გუშინ 7 იანვარს, პარიზში, სატირული ჟურნალის ,,Charlie Hedbo" რედაქციაზე განხორციელებულ თავდასხმის დროს, დაიღუპა 12 და დაშავდა 10-ზე მეტი ადამიანი.
