პრეზიდენტი გიორგი მარგველაშვილი გმობს პარიზში მომხდარი საზარელ ტერორისტული აქტს და საფრანგეთის ხელისუფლებასა და ფრანგ ხალხს თანადგომას უცხადებს.
,,ამ განსაცდელის ჟამს ჩვენ მტკიცე თანადგომას ვუცხადებთ საფრანგეთის რესპუბლიკის ხელისუფლებასა და ფრანგ ხალხს. ჩვენ ვართ თქვენს გვერდით, რათა დავიცვათ ჩვენი საერთო კეთილდღეობა. ქართველი და ფრანგი სამხედროები გვერდიგვერდ დგანან მსოფლიოს ცხელ წერტილებში, რათა უზრუნველვყოთ საერთო მშვიდობა და უსაფრთხო მომავალი.საქართველო გმობს ტერორიზმის ნებისმიერ გამოვლინებას და აგრძელებს ბრძოლას თანამედროვეობის ამ ერთ-ერთი უდიდესი საფრთხის წინააღმდეგ", _ნათქვამია მარგველაშვილის მიერ გავრცელებულ სამძიმრის განცხადებაში.
შეგახსენებთ, რომ გუშინ 7 იანვარს, პარიზში, სატირული ჟურნალის ,,Charlie Hedbo" რედაქციაზე განხორციელებულ თავდასხმის დროს, დაიღუპა 12 და დაშავდა 10-ზე მეტი ადამიანი.
