პარლამენტის თავმჯდომარემ დავით უსუფაშვილი მართლმადიდებლებს ქრისტესშობას ულოცავს. უსუფაშვილმა პარალამენტარებთან ერთად ალილოს მონაწილეებს საშობაო საჩუქრები გადასცა.
,,ყველას გილოცავთ შობას, ბრწყინვალე დღესასწაულს, რომელსაც თითოეული ჩვენგანისთვის მოაქვს ახალი სიხარული, ახალი იმედები და ჩვენ, პარლამენტის წარმომადგენლები, ტრადიციულად, ამ დღეს, ვმონაწილეობთ ძალიან საინტერესო, ტრადიციულ ღონისძიებაში, ალილოს მსვლელობაში, როდესაც პარლამენტს ჩამოუვლიან ხოლმე პატარა ანგელოზები. დღეს ჩვენ ისინი გვესტუმრნენ, პატარები, რომლებმაც შობა მოგვილოცეს და ჩვენც მცირედი საჩუქრები გადავეცით მათ. ეს არის ტრადიცია, რომელიც ძალიან მნიშვნელოვანია ჩვენთვის, უფროსებისთვის და განსაკუთრებით მნიშვნელოვანია ბავშვებისთვის, ამიტომ ყველას კიდევ ერთხელ მოგილოცავთ ამ ბრწყინვალე დღესასწაულს და ვისურვებ, რომ სიხარული და ბედნიერება მოეტანოს ყველა თქვენგანის ოჯახში",- განაცხადა პარლამენტის თავმჯდომარემ.
