თბილისის მუნიციპალიტეტის საკრებულოს თავმჯდომარე გიორგი ალიბეგაშვილი საქართველოს მოსახლეობას ქრისტესშობის ბრწყინვალე დღესასწაულს ულოცავს და თითოეულ ოჯახს ჯანმრთელობას, ბედნიერებას, სიყვარულსა და ერთიან, ძლიერ საქართველოში ცხოვრებას უსურვებს.
"სრულიად საქართველოს და ყველა მართმადიდებელს შობის ბრწყინვალე დღესასწაულს ვულოცავ.
ეს არის დღე, როდესაც მაცხოვარი ამ ქვეყანას მოევლინა და თავისი შობით კაცობრიობის სულიერი და ისტორიული განვითარების ახალ ერას დაუდო საფუძველი.
პატრიარქის კურთხევით, შობის მოახლოვებისას თითოეულმა ჩვენთაგანმა ფანჯარაში სანთელი უნდა დავანთოთ, რათა უფლის სიყვარული და შობის დღესასწაული ყველა ჩვენი თანამოქალაქისა და თანამემამულის ოჯახში შემობრძანდეს.
დღევანდელი რეალობა დასახული მიზნების გაბხორციელების ისტორიულ შანსს იძლევა, თუმცა აღნიშნულის მიღწევა შეუძლებელი იქნება ურთიერთთანადგომის, მიმტევებლობის, მოყვასის სიყვარულისა და ერთსულოვნების გარეშე.
კიდევ ერთხელ გილოცავთ შობის ბრწყინვალე დღესასწაულს, მისი მადლი ფარავდეს სრულიად საქართველოს",- ნათქვამია მილოცვაში.
