7 იანვრიდან, საქართველოს მთელს ტერიტორიაზე ამინდი გაუარესდება. როგორც გარემოს დაცვის სამინისტროს სინოპტიკოსმა სვეტა ნიორაძემ ,,ჯი-ეიჩ-ენთან" საუბარში განაცხადა მომდევნო დღეებში გაძლიერდება ყინვა.
,,7 იანვრიდან ამინდის კიდევ უფრო გაურესებას ველოდებით. შავი ზღვის ჩრდილო-დასავლეთიდან და სამხრეთიდან გავრცელდება ცივი და ნოტიო ჰაერის მასები, რაც გამოიწვევს ძლიერ ნალექს. 7 იანვარს დღის მეორე ნახევარში ნალექი წვის სახით თითქმის ყველგან თოვლში გადაიზრდება. შესაბამისად მთაში და მაღალ მთაში ველდოებით ძლიერ თოვას, ქარბუქს. ზვავ-საშიშროების გამო შენარჩუნდება სატრანსპორტო შეზღუდვები ფასანაური-კობისა და სტეფანწმინდა-ლარსის გზის მონაკვეთზე და შესაძლოა შეზღუდვები დაწესდეს სხვა სატრანსპორტო მონაკვეთებზეც", _განაცხადა ,,ჯი-ეიჩ-ენთან" საუბარსში სვეტა ნიორაძემ.
მისივე განცხადებით, 8-9 იანვარს საქართველოს მთელს ტერიტორიაზე ჰაერის ტემპერატურა მნიშვნელოვნად დაეცემა.
,, 8-9 იანვარს ტემპერატურა მნიშვნელოვნად დაეცემა, მოსალოდნელია ყინვა: გზებზე- ლიპყინული, ელექტროსადენებზე_შემოყინულობა. ხოლო 9-10 იანვარს დასავლეთ საქართველოს დაბლობსა და მათ შორის სუბტროპიკულ ზონაში ვვარაუდობთ -5, -6 გრადუსამდე ტემპერატურის დაცემას", _განაცხადა ნიორაძემ.
მისივე განმარტებით, 9-10 დეკემბერს შედარებით გამოიდარებს, თუმცა ყინვა გაძლიერდება. როგორც ნიორაძემ განმარტა ყინვაა მოსალოდნელი თბილისშიც.
,,9 იანვარს თბილისში ღამით ყინვა -4 გრადუსამდე შენარჩუნდება, 10 იანვარს კი -5 გრადუსს ყინვას ველოდებით, დღის ტემპერატურა კი 0 გრადუსამდე შენარჩუნდება", _განმარტა ნიორაძემ.
მისივე განცხადებით, თბილისში 8-9 იანვარს თოვაა მოსალოდნელი.
