იანვარში თბილისს ესტონეთის პრემიერ-მინისტრი ანდრუს ანსიპი ეწვევა. ანდრუს ანსიპის ვიზიტის დეტალები საქართველოში გასული წლის დეკემბერში ვიზიტით მყოფმა ესტონეთის საგარეო საქმეთა მინისტრმა ქეით პენტუს-როსიმანუსიმ პრემიერ-მინისტრ ორაკლი რარიბაშილთან შეხვედრაზე განიხილა.
ანდრუს ანსიპი 2005 წლიდან ესტონეთის პრემიერ-მინისტრია. დაიბადა ქალაქ ტარტუში, 1979 წელს დაამთავრა ტარტუს უნივერსიტეტის ქიმიის ფაკულტეტი. 1978 წელს გაწევრიანდა კომუნისტურ პარტიაში. 1985 წელს მუშაობა დაიწყო ესტონეთის სსრ-ის კომპარტიის ტარტუს რაიონის მრეწველობისა და ტრანსპორტის ინსტრუქტორად. 1998 წელს აირჩიეს ტარტუს მერად და აღნიშნულ თანამდებობაზე დარჩა 2004 წლამდე. 2004 წელს გახდა რეფორმის პარტიის თავმჯდომარე. 2005 წელს პრეზიდენტმა არნოლდ რუიტელმა დაავალა ახალი მინისტრთა კაბინეტის ფორმირება. ჩამოაყალიბა კოალიციური მთავრობა ცენტრისტულ და სახალხო კავშირთან ერთად.
მასალის გამოყენების პირობები
