„ნაციონალურ მოძრაობის" წევრის, ზურაბ ჯაფარიძის განმარტებით 2014 წლის ბიუჯეტი ფორმალურად შესრულდა. როგორც პარტიის ოფისში გამართულ პრესკონფერენციაზე ჯაფარიძემ საკითხის კომენტირებისას განაცხადა მხოლოდ 30-31 დეკემბერს ხაზინიდან 300 მილიონი ლარი დაიხარჯა, როდესაც გასული წლის იანვარიდან ოქტომბრამდე საშუალო ხარჯვა 600-700 მილიონი ლარი იყო.
,, მთავრობას ამოძრავებდა ერთადერთი სურვილი, როგორმე ეთქვა რომ ბიუჯეტი შეასრულეს, თუნდაც ქაღალდზე. ბოლო დღეებში მოხდა დიდი ოდენობით საგარეო ვალის თანხების ჩარიცხვა. ეს თანხები განკუთვნილია ინფრასტრუქტურული პროექტებისთვის, რომლებიც უნდა განხორციელებულიყო 2014 წელს მათი განხორციელება გადაიდო მომავალი წლისთვის. ეს ნიშნავს რომ ის პროექტები რომლებიც დაგეგმილი იყო 2015 წლისთვის, გადაიწევს 2016 წლისთვის. ხაზინიდან მოხდა თანხების გაცემა, ასობით მილიონი ლარის, ახლობლების კომპანიებზე ავანსების სახით და ცხადია რომ ეს თანხები არ მოხმარებია რეალურ პროექტებს, მოქალაქეების დასაქმებას ან ინფრასტრუქტურის გაუმჯობესებას", _განმარტა ჯაფარიძემ.
სახელმწიფო ბიუჯეტის შემოსულობებმა წინასწარი მონაცემებით, შეადგინა 9 120,9 მლნ ლარი, რაც გეგმის - 9 105 მლნ ლარის 100,2%-ია. გეგმა გადაჭარბებულია 15,9 მლნ ლარით. მათ შორის:
ფინანსთა სამინისტროს ინფორმაციით. შემოსავლებმა შეადგინა 7 398,7 მლნ ლარი რაც გეგმას - 7,319 მლნ ლარს 79,7 მლნ ლარით აღემატება. შესრულების მაჩვენებელი 101,1 %-ია;
საგადასახადო შემოსავლებმა შეადგინა 6 847.0 მლნ ლარი, რაც გეგმას 27.0 მლნ ლარით აღემატება. შესრულების მაჩვენებელი შეადგენს 100,4 %-ს.
აღსანიშნავია, რომ შემოსულობების კუთხით 2014 წლის შესრულება ყველაზე მაღალია ბოლო წლებში. 2009 წელს შემოსულობების გეგმა შესრულდა 98.4%-ით, 2010 წელს 100.1%, 2011 წელს - 97.7% , 2012 წელს - 98.1%, 2013 წელს - 91.6%-ით.
სახელმწიფო ბიუჯეტის გადასახდელებმა წინასწარი მონაცემებით შეადგინა 8 973.6 მლნ ლარი, რაც გეგმის 9 080.0 მლნ ლარის 98,8 %-ს შეადგენს. ბოლო 10 წელიწადში ეს მაჩვენებელი უპრეცენდენტოა. ამასთან, უნდა აღინიშნოს, რომ ეს მაჩვენებელი მიღწეულ იქნა იმ პირობებში, როცა წლის განმავლობაში ბიუჯეტი არ დაკორექტირებულა. 2009 წელს გადასახდელების გეგმა შესრულდა 97.1%-ით, 2010 წელს - 98.4%, 2011 წელს 98.5%-ით 2012 წელს 96.5%-ით 2013 წელს - 92.6%
