პარლამენტის თავმჯდომარე დავით უსუფაშვილი, ირანის ისლამური რესპუბლიკის ელჩს საქართველოში - აბას თალებიფარს შეხვდა. შეხვედრაზე მხარეებმა საქართველო-ირანის ორმხრივი ურთიერთობების საკითხები განიხილეს. ასევე, ორი ქვეყნის პარლამენტისა და ზოგადად, ორ ქვეყანას შორის ურთიერთობების გაღრმავებაზე გაამახვილეს ყურადღება.
შეხვედრაზე მხარეებმა იმ პერსპექტივებსა და რესურსებზეც ისაუბრეს, რომელიც საქართველოსა და ირანს შორის ურთიერთობას გააჩნია. განსაკუთრებული ყურადღება გამახვილდა ეკონომიკური ურთიერთობების კიდევ უფრო გაღრმავებაზე. საუბარი შეეხო რეგიონში მიმდინარე პრობლემებს.
შეხვედრაზე აღინიშნა, რომ უახლოეს მომავალში, დაგეგმილია პარლამენტის თავმჯდომარის, დავით უსუფაშვილის ვიზიტი ირანის ისლამურ რესპუბლიკაში, სადაც საპარლამენტო ურთიერთობების დონეზე სხვადასხვა საკითხის შეჯერება და შეჯამება მოხდება.
მასალის გამოყენების პირობები
