,,ნაცმოძრაობის" ერთ-ერთი ლიდერის დავით ბაქრაძის განცხადებით, ევროპარლამენტში საქართველო-ევროკავშირის ასოცირების ხელშეკრულების რატიფიცირებით ქვეყანამ გადადგა დიდი ნაბიჯი ევროპისკენ. თუმცა როგორც ბაქრაძემ პარტიის ოფისში გამართულ პრესკონფერენციაზე განაცხადა საბოლოოო წარმატება დამოკიდებულია საქართველოში მიმდინარე რეფორმებსა და ხელისუფლებაზე რამდენად შეასრულებს ევროკავშირის ვალდებულებებს.
,,გუშინ ასოცირების ხელშეკრულების რატიფიცირებით საქართველომ გადადგა დიდი ნაბიჯი ევროპისკენ, მაგრამ ეს არის მხოლოდ გზის დასაწყისი და დარჩენილი გზის წარმატებულად გავლა მთლიანად არის დამოკიდებული საქართველოში მიმდინარე რეფორმებზე და ხელისუფლების მზადყოფნაზე, გაიზიაროს და შეასრულოს ევროკავშირის რეკომენდაციები. ერთ-ერთი ძირითადი პრობლემა ჩვენს ურთიერთობაში უკავშირდება შერჩევით სამართალს და პოლიტიკურ დევნას. Aამაზე მკაფიოდ საუბრობს ევროპარლამენტში მიღებული რეზოლუცია", _განაცხადა ბაქრაძემ და ხელისუფლებას მოუწოდა გადადგას ქმედითი ნაბიჯები ამ პრობლემის მოსაგვარებლად.
მასალის გამოყენების პირობები
