ხვალ, 18 დეკემბერს, დანიის სამეფოს პარლამენტში (Folketinget) საქართველოსა და ევროკავშირს შორის ასოცირების შესახებ შეთანხმების რატიფიცირება იგეგმება.
პროცედურების თანახმად, ხვალი დღის მეორე ნახევარში დანიის პარლამენტში საკითხის განხილვაა დაგეგმილი, რომლის დროსაც გაიმართება დანიის საკანონმდებლო ორგანოს წარმომადგენლების გამოსვლები. აღნიშნულის შემდეგ კი, საქართველოსა და ევროკავშირს შორის ასოცირების შესახებ შეთანხმების რატიფიცირების თაობაზე ხმის მიცემის პროცედურა გაიმართება.
პარლამენტში ხვალინდელ კენჭისყრას დაესწრება დანიის სამეფოში საქართველოს ელჩი ნიკოლოზ რთველიაშვილი. რატიფიკაციის დასრულების შემდგომ იგეგმება ელჩის არაფორმალური შეხვედრების დანიელ პარლამენტარებთან
