ყოფილი საგარეო საქმეთა მინისტრი და ,,თავისუფალი დემოკრატების" ერთ-ერთი ლიდერი მაია ფანჯიკიძე ,,ჯი-ეიჩ-ენთან" საუბარში აცხადებს, რომ ხელისუფლებას უნდა ეზრუნა, ევროპარლამენტში საქართველო-ევროკავშირის ასოცირების ხელშეკრულების რატიფიცირებაზე ღირსეულად ყოფილიყო წარმოდგენილი.
ფანჯიკიძის განმარტებით, სამწუხაროა, რომ ხელისუფლებამ დაგვიანებით მიიღო გადაწყვეტილება რატიფიცირების პროცესს დაესწროს პრეზიდენტი მარგველაშვილი.
,,ეს სარის ძალიან მნიშვნელოვანი დღე საქართველოსთვის. საქართველო-ევროკავშირს შორის ასოცირების ხელშეკრულების რატიფიცირება როცა მოვახდინეთ ქუთაისის პარლამენტში გვყავდა სტუმრები სხვადასხვა ქვეყნის პარლამენტის თავმჯდომარეები, საგარეო საქმეთა მინისტრები, ევროკომისარი შტეფან ფულე იმის ხაზგასასმელად, რომ საქართველოსთვის ეს არის ძალიან მნიშვნელოვანი მოვლენა. შესაბამისად საქართველოს ხელისუფლებას უნდა ეზრუნა იმაზე, რომ ევროპარლამენტში ღირსეულად ყოფილიყო წარმოდგენილი ხელშეკრულების რატიფიცირებაზე. ძალიან სამწუხაროა, რომ ეს გადაწყვეტილება მიიღეს გვიან, მაგრამ ,,სჯობს გვიან ვიდრე არასდროს" და კარგია, რომ რატიფიცირებას საქართველოს პრეზიდენტი დაესწრება", _განაცხადა ,,ჯი-ეიჩ-ენთან" საუბარში ფანჯიკიძემ.
როგორ აფასებს საქართველოს ექსპრეზიდენტის მიხეილ სააკაშვილის ევროპარლამენტში მიწვევას ფანჯიკიძე პასუხობს:
,,იგი ,,ევროპის სახალხო პარტიამ" მიიწვია. Eეს ფაქტი არც კარგია და არც ცუდი, მიწვეულია ადამიანი სტუმრად და მიდის", _განაცხადა მაია ფანჯიკიძემ.
შეგახსენებთ, რომ ევროპარლამენტი საქართველო-ევროკავშირის ასოცირების ხელშეკრულების რატიფიცირებას ხვალ მოახდენს. რატიფიცირების პროცესს პრეზიდენტი გიორგი მარგველაშვილიც დაესწრება.ამასთან კოალიცია ,,ქართული ოცნების" წევრის გიორგი ვოლსკის განცხადებით, ევროპარლამენტში საქართველო-ევროკავშირის ასოცირების ხელშეკრულების რატიფიცირებას პარლამენტის საგარეო ურთიერთობათა კომიტეტის თავმჯდომარე თედო ჯაფარიძე და ევროპასთან ინტეგრაციის კომიტეტის თავმჯდომარე ვიქტორ დოლიძე დაესწრებიან.