საგარეო საქმეთა ყოფილი მინისტრი მაია ფანჯიკიძე მიიჩნევს, რომ ხელისუფლებამ პასუხი უნდა გასცეს საყდრისთან დაკავშირებით საზოგადოების შეკითხვებს.
,,ხელისუფლებამ კეთილი უნდა ინებოს და პასუხი უნდა გასცეს საყდრისთან დაკავშირებით საზოგადოების შეკითხვებს", _განმაცხადა ფანჯიკიძემ, რომელიც მიიჩნევს, რომ მმართველმა გუნდმა საყდრისთან დაკავშირებით უპასუხისმგებლობა გამოიჩინა.
ფანჯიკიძის განცხადებით გურამ ოდიშარიას გადაწყვეტილება წასულიყო კულტურის მინისრტრის პოსტიდან განპირობებული იყო იმით, რომ არ ყოფილიყო იმ ვანდალური ფაქტის მონაწილე რაც საყდრისში ვიხილეთ.
,,ჩემთვის ასევე ცნობილი იყო გერმანული მხარის პოზიცია, რომელმაც ძალიან სერიოზული თანხები დახარჯა იმისთვის, რომ იქ ექსპედიცია ყოფილიყო, იქ კვლევა ჩატარებულიყო. გერმანელი მეცნიერები ქართველ მეცნიერებთან ერთად მიიჩნევდნენ, რომ ეს არის უძველესი კულტურის ძეგლი და იგი არ არის მხოლოდ საქართველოს საკუთრება, არამედ არის მსოფლიო ცივილიზაციის საკუთრება. მე მაშინ ვცდილობდი გამემაგრებინა კულტურის სამინისტროს პოზიცია და რამდენჯერმე მოვახერხე, რომ მარინა მიზანდარს ჰქონოდა შეხვედრა პრემიერ-მინისტრთან. სამწუხაროდ, ამ მცდელობებმა შედეგი არ გამოიღო. ვფიქრობ, მაშინდელი მინისტრის გურამ ოდიშარიას გადაწყვეტილება იმის თაობაზე, რომ ჩამოშორებოდა ამ საქმეს, იმით იყო გამოწვეული, რომ არ უნდოდა იმ ბარბაროსული აქტის მონაწილე ყოფილიყო, რომლის მომსწრეც დღეს გავხდით", - განაცხადა ფანჯიკიძემ.
