,,ვერ დამისახელებთ ვერც ერთ ფაქტს, როდესაც ჩვენი შეიარაღებული ძალების ოფიცერმა დატოვა სამსახური და გაემგზავრა სხვა ქვეყანაში", _განამარტა თავდაცვის მინისტრმა მინდია ჯანელიძემ საქართველოს ექსპრეზიდენტის მიხეილ სააკაშვილის განცხადების საპასუხოდ.
მისივე განმარტებით, ქართველი ოფიცრები აგრძელებენ სამსახურს ქართულ შეიარაღებაში და იცავენ ქვეყანას.
,,ქართველი ოფიცრები მსახურობენ ჩვენი შეიარაღებული ძალების შე,ადგენლობაში, ისინი აგრძელებენ სამსახურს, იცავენ ქვეყანას", -განაცხადა ჯანელიძემ.
საქართველოს ექსპეზიდენტ მიხეილ სააკაშვილის განცხადებით, უკრაინის მთავრობის გადწყვეტილებით, ქართველი ოფიცრები რომლებიც უკრაინის არმიაში მოღვაწეობას გადაწყვეტენ, მოქალაქეობას მიიღებენ. როგორც სააკაშვილმა ,,სააკაშვილის საპრეზიდენტო ბიბლიოთეკაში" Skype-ით ჩართვისას მედიისთვის გაკეთებული განცხადების დროს განმარტა, როცა თავდაცვის უწყების ხელმძღვანელს მოადგილედ დაუნიშნავენ ნინო ბურჯანაძის პარტიის წევრს , ფაქტობრივად, ქართველ ოფიცრებს სხვა გამოსვალი აღარ რჩებათ გარდა იმისა, რომ იმსახურონ უკრაინის არმიაში.
,,ბევრი ქართველი ოფიცერი ამ დღეებში იღებს უკრაინის მოქალაქეობას. უკრაინის მთავრობამ მიიღო გადაწყვეტილება, რომ ის ქართველი ოფიცრები, რომლებიც გადაწყვეტენ უკრაინის არმიაში მოღვაწეობას, ყველა მიიღებს უკრაინის მოქალაქეობას. იმ პირობებში, როდესაც საქართველოს თავდაცვის მინისტრს დაუნიშნეს მოადგილე ბურჯანაძის პარტიიდან, მე ვფიქრობ, ბევრ ქართველ ოფიცერს სხვა გამოსავალს არ უტოვებენ, თუ არა წავიდნენ და გააგრძელონ სამსახური მეგობრულ უკრაინაში, რომელიც იბრძვის იმ ომს, რომელიც საქართველოს მტრებთან ომია", - განაცხადა სააკაშვილმა.
