პარლამენტის თავმჯდომარის დავით უსუფაშვილის განცხადებით, ნატოს გენერალური მდივნის სპეციალური წამომადგენლი კავკასიასა და ცენტრალულ აზიაში ჯეიმს აპატურაი თავდაცვის უწყებაში გამართული შეხვედრის შემდეგ დარწმუნდა, რომ ქვეყნის საგრეო კურსი არ შეცვლილა და თავდაცვის უწყებაშიც ტექნიკურ დონეზე ყველა საკითხი მიდის და ვითარდება ისე, როგორც დაგეგმილი იყო. როგორც უსუფაშვილმა აპატურაისთან შეხვედრის შემდეგ ჟურნალისტებთან განაცხადა შეხვედრისას ალიანსის სპეცილურმა წარმომადგენელმა განმარტა, რომ შიდა პოლიტიკური ცხოვრება შიდა პოლიტიკური ცხოვრებაა, რომელიც ქართველებისა და პოლიტიკური ძალების გადასაწყვეტია, მაგრამ საერთაშორისო საზოგადოება საქართველოსგან მეტ სტაბილურობასა და მეტ დაფიქრებას ელოდება ისეთ დროს, როდესაც მსგავსი საკითხები ხდება ხოლმე.
,,აპარტურაიმ აღნიშნა, რომ შიდა პოლიტიკური ცხოვრება შიდა პოლიტიკური ცხოვრებაა და ქართველებისა და მათ შორის, პოლიტიკური ძალების გადასაწყვეტია, მაგრამ საერთაშორისო საზოგადოება საქართველოსგან მეტ სტაბილურობასა და მეტ დაფიქრებას ელოდება ისეთ დროს, როდესაც მსგავსი საკითხები ხდება ხოლმე", _განმარტა უსუფაშვილმა.
უსუფაშვილის განმარტებით შეხვედრაზე ასევე აღინიშნა, რომ 2016 წელი არის ძალიან მნიშვნელოვანია, როგორც ქვეყნის შიგნით, ისე ქვეყნის გარეთ.
,,ჩვენ ვისაუბრეთ იმაზეც, რომ 2016 წელი არის ძალიან მნიშვნელოვანია, როგორც ქვეყნის შიგნით, ისე ქვეყნის გარეთ. 2016 წლის გაზაფხულზე ნატო-ს მორიგი სამიტია დაგეგმილი, ამ დროისთვის უკვე განხორციელებული პროექტების, მათ შორის, სასწავლო ცენტრისა და სხვა ღონისძიებების თაობაზე ნატო ჩვენი მხრიდან პროგრესს ელის. მეც ვუთხარი, რომ 2016 წელი ძალიან მნიშვნელოვანია, რადგან საპარლამენტო არჩევნებია და ჩვენ მმართველი პოლიტიკური გუნდი ყველაფერს ვაკეთებთ იმისთვის, რომ პირნათლად შევხვდეთ იმ მნიშვნელოვან მოვლენას ყველა მიმართულებით, მათ შორის, ნატო-ში ინტეგრაციის მიმართულებით", - განუცხადა ჟურნალისტებს უსუფაშვილმა.
