საგარეო ურთიერთობათა საკითხებში პრეზიდენტის მრჩეველის თენგიზ ფხალაძის თქმით, უკრაინაში საქართველოს ელჩის მიხეილ უკლებას გადადგომის საკითხზე, პრეზიდენტის ადმინისტრაციაში მსჯელობა არ ყოფილა.
როგორც პოლონეთში ოფიციალური ვიზიტისას ფხალაძემ ჟურნალისტებს განუცხადა, საგარეო საქმეთა სამინისტროს გიორგი მარგვეაშვილისთვის რაიმე ცვლილების თაობაზე არ მიუმართავს.
"უკრაინაში საკმაოდ პროფესიონალი გუნდია და ძალიან მნიშვნელოვანია ის სამუშაო, რომელსაც იქ ჩვენი საელჩო ასრულებს. არ ვიცი რაზეა საუბარი, შესაძლოა რომელიმე ელჩს როტაციის წესიდან გამომდინარე უწევს თანამდებობის დატოვება.
ყველა საკითხს აქვს თავის პროცედურა. ეს საკითხი საგარეო საქმეთა სამინისტროსტან არის გასავლელი. უწყებას ეს საკითხი არ დაუყენებია", - განაცხადა ფხალაძემ.
გავრცელებული ინფორმაციით, უკრაინაში საქართველოს ელჩის თანამდებობაზე მიხეილ უკლებას ზვიად ჯანყარაშვილი ჩაანაცვლებს. ინფორმაციას არ ადასტურებს საგარეო საქმეთა მინისტრი თამარ ბერუჩაშვილი.
