სასჯელაღსრულების მინისტრი გიორგი მღებრიშვილი ბოლო დროს ციხეებში სუიციდის შემთხვევებს გამოეხმაურა და განმარტა, რომ მსგავსი ფაქტები ხდებოდა, ხდება და სავარაუდოდ მომავალშიც მოხდება, რადგან მისი ბოლომდე აღმოფხვრა შეუძლებელია.
,,სუიციდის ფაქტები ხდებოდა, ხდება და სავარაუდოდ, სამწუხაროდ, მომავალშიც მოხდება, რადგან მისი ბოლომდე აღმოფხვრა შეუძლებელია. სუიციდის ფაქტები ხდება როგორც თავისუფლებაზე, ისე სასჯელაღსრულების სისტემაში", - განაცხადა მინისტრმა
შეგახსენებთ, რომ გუშინ სამინიტრომ გაავრცელა ინფორმაცია, რომ სასჯელაღსრულების N18 (სასჯელაღსრულების ცენტრალური საავადმყოფო) დაწესებულებაში სუიციდის ფაქტი დაფიქსირდა. სასჯელაღსრულების სამინისტროს ცნობით, გარდაიცვალა 1980 წელს დაბადებული მსჯავრდებული ჯ.ი.
ფაქტზე დაწყებულია გამოძიება სსკ-ის 115-ე მუხლის პირველი ნაწილით. დანიშნულია სასამართლო-სამედიცინო ექსპერტიზა.
