დღეს თბილისის მერიაში ქალაქის ტერიტორიების გამოყენებისა და განაშენიანების რეგულირების საკითხთა კომისიის ახალი შემადგენლობის პირველი სხდომა გაიმართა.
კომისია განიხილავს და შესაბამის გადაწყვეტილებებს იღებს: მიწათსარგებლობის უფლებრივი ზონირების რუკების დამტკიცებისა და მათში ცვლილებების შეტანის, ასევე, განაშენიანების კოეფიციენტისა (კ1) და განაშენიანების ინტენსივობის კოეფიციენტების (კ2) მაქსიმალური მაჩვენებლების გადამეტების, ფუნქციურ ზონებში ტერიტორიის გამოყენების სახეობების დაშვების, განაშენიანების რეგულირების გეგმის დამტკიცებისა და სხვა ქალაქგეგმარებით საკითხებზე.
თბილისის ტერიტორიების გამოყენებისა და განაშენიანების რეგულირების საკითხთა კომისიის განახლებულ შემადგებლობაში თბილისის მერიის არქიტექტურის სამსახურისა და საქართველოს კულტურისა და ძეგლთა დაცვის სამინისტროს წარმომადგენლები, საკრებულოს წერები, ურბანისტები, არქიტექტორები, არასამთავრობო ორგანიზაციების წარმომადგენლები და ექსპერტები შედიან. საბჭოს თბილისის მერის მოადგილე ნინა ხატისკაცი ხელმძღვანელობს.
კომისიი სხდომა, განსახილველი საკითხების რაოდენობის გათვალისწინებით, კვირაში ერთხელ ან ორჯერ გაიმართება.