უკრაინის კრიზისმა შესაძლოა, რეგიონალური და გლობალური შედეგებიც გამოიწვიოს. ამის შესახებ გაეროს გენერალურმა მდივანმა ბან გი მუნმა განაცხადა.
გენმდივანმა სინანული გამოთქვა, რომ 26 აგვისტოს მინისკში გამართული შეხვედრის შემდეგ, რომელშიც ყველა დაინტერესებული მხარე მონაწილეობდა, უკრაინაში ვითარება კიდევ უფრო გაუარესდა.
ბან გი მუნი მიიჩნევს, რომ დასავლეთის ქვეყნებს, რომლებიც ვითარებას განიხილავენ, კარგად უნდა ესმოდეთ - შექმნილ სიტაუციაში გამოსავალი სამხედრო მოქმედებები ვერ იქნება. ერთადერთი გრძელვადიანი გამოსავალი - ეს პოლიტიკური დიალოგია.
გენმდივანმა მოუწოდა ყველა დაინტერესებულ მხარეს მოძებნონ პოლიტიკური გამოსავალი.
