რუსეთმა უკრაინასთან ჰიბრიდული ომი წააგო, რომელსაც ის დაქირავებულებისა და დივერსანტების მეშვეობით აწარმოებდა და თავისი რეგულარული ჯარებით დაიწყო სრულმასშტაბიანი საბრძოლო მოქმედებები. ამის შესახებ უკრაინის თავდაცვის მინისტრმა ვალერი გალეტეიმ განაცხადა.
„რუსეთმა წააგო უკრაინასთან ჰიბრიდული ომი. ჩვენი შეიარაღებული ძალები რუსეთის დაქირავებულებს ავირწოვებდნენ, ანადგურებდნენ დივერსანტებს და სპეცდანიშნულების რაზმების წევრებს. სწორედ ამიტომ, კრემლი იძულებული გახდა, დონბასის ტერიტორიაზე თავისი რეგულარული ძალების სრულმასშტაბიანი შეჭრა დაეწყო", - განაცხადა თავდაცვის მინისტრმა.
მისივე თქმით, ამჟამად უკრაინის შეიარაღებულ ძალებს რუსეთის დივიზიები და პოლკები უპირისპირდებიან, ხვალ კი ეს შესაძლოა, არმიის კორპუსები იყოს.
„უკრაინის აღმოსავლეთის ტერორისტებისგან გათავისუფლების ოპერაცია დასრულებულია. ჩვენ სასწრაფოთ უნდა დავიწყოთ თავდაცვა რუსეთისგან, რომელიც ცდილობს არა მხოლოდ გამაგრდეს ტერიტორიებზე, რომლის ოკუპაცია ტერორისტებმა განახორციელეს, არამედ შეტევა დაიწყოს უკრაინის დანარჩენ ტერიტორიებზეც", - განაცხადა უკრაინის თავდაცვის მინისტრმა და დასძინა, - „ჩვენს სახლში მოვიდა დიდი ომი, როგორიც ევროპას მეორე მსოფლიო ომის შემდეგ არ უნახავს".
