ჯაბა სამუშიას საკრებულოს ფრაქცია "ერთიანი ნაციონალური მოძრაობის'' თავმჯდომარე სევდია უგრეხელიძე გამოეხმაურა და განაცხადა, რომ თბილისის ბიუჯეტში ცვლილებების იმ საბაბით შეტანა, თითქოს თბილისის საწარმოთა ქონების გადასახადიდან 40 მილიონი არ შედის, აბსურდია და არაპროფესიაონალიზმს კიდევ ერთხელ ადასტურებს.
მისივე თქმით, ბიუჯეტი ქართული ოცნების უმრავლესობის მიერაა დაგეგმილი და რაც შეეხება 40 მილიონს, ეს თბილისის ბიუჯეტის კუთვნილი თანხაა, რომელიც საწარმოების მიერაა გადახდილი და შესაბამისად, ცენტრალური ბიუჯეტი ვალდებულია, ეს თანხა დედაქალაქის ბიუჯეტს ჩაურიცხოს.
რაც შეეხება ცვლილებებს, სევდია უგრეხელიძის განცხადებით, მათი ფრაქციის წევრები მათ არ ეწინააღმდგეგებიან და ამა თუ იმ სოციალური თუ ამხანაგობების პროგრამების დაფინანსებას, განხილვისა და მსჯელობის შედეგად, შესაძლოა, დაეთანხმონ კიდეც.
საკრებულოს დეპუტატი ფინანსთა მინისტრს ნოდარ ხადურს 40 მილიონი ლარის დედაქალაქის ბიუჯეტში დაბრუნებას ურჩევს.