საქართველოს ყოფილი პრემიერ მინისტრი ბიძინა ივანიშვილი კვლავ რჩება ხელისუფლების საქმიანობაზე გადაწყვეტილების მიმღებ პირად. შესაბამის მოსაზრებას გამოკითხულთა 26% "სრულად ეთანხმება", 24% კი "ეთანხმება".
რესპონდენტთა 8% სრულად ეთანხმება მოსაზრებას, რომ ბიძინა ივანიშვილი აღარ არის გადაწყვეტილების მიმღები პირი მას შემდეგ, რაც თანამდებობიდან გადადგა, ასევე 9% აღნიშნულ მოსაზრებას "ეთანხმება". ამის შესახებ ნათქვამია ეროვნულ დემოკრატიული ინსტიტუტის (NDI) კვლევაში, რომელიც დღეს გამოქვეყნდა.
უნდა აღინიშნოს, რომ იმ რესპონდენტებიდან, რომლებიც მიიჩნევენ, რომ ბიძინა ივანიშვილი ხელისუფლების საქმიანობაზე გადაწყვეტილების მიმღები პირია, 34% აღნიშნულს ამართლებს, ხოლო 58% არ ამართლებს.
NDI-ის კვლევის საველე სამუშაოები 23 ივლისიდან 7 აგვისტოს პერიოდში ჩატარდა. პირდაპირი ინტერვიუს გზით 3338 რესპონდენტი გამოიკითხა.
NDI-ის კვლევა დააფინანსა შვედეთის საერთაშორისო განვითარების და თანამშრომლობის სააგენტომ (Sida), კვლ;ევა ჩაატარა - CRRC-მა, საქართველო.
