ისრაელის საერთაშორისო თანამშრომლობის სააგენტო- მაშავი 1957 წელს დაარსდა ისრაელის ტერქნოლოგიებისა და ინოვაციების, (რამაც თავად ისრაელის სწრაფი განვითარება უზრუნველყო) განვითარებადი მსოფლიოსათვის გაზიარების მიზნით.
დღიდან დაარსებისა მაშავის პროგრამებით 132 ქვეყნის 270 000-მდე მონაწილემ ისარგებლა, განხორციელდა ათობით საჩვენებელი პროექტი მსოფლიოს მასშტაბით. Bბოლო 20 წლის განმავლობაში დაახლოებით 700 კუსდამთავრებულმა საქართველოდან მიიღო მონაწილეობა სოფლის მეურნეობის, ჯანდაცვის, განათლების, გენდერულ, მცირე და საშუალო ბიზნესის განვითარების საკითხებისადმი მიძღვნილ მაშავის კურსებსა და კონსულტაციებში.
მაშავის პროგრამა საქართველოში მოწოდებულია ტრენინგების, ტექნიკური დახმარებისა და თანამედროვე ტექნოლოგიების გაცნობის მეშვეობით დაეხმაროს ფერმერებს და აგრო-ექსპერტებს. მრავალწლიანი პროგრამა ხორციელდება ადგილზე ჩატარებული პროგრამების, მოკლევადიანი კონსულტაციების მეშვეობით საქართველოს სხვადასხვა რეგიონში(შიდა ქართლი, სამეგრელო, ქვემო ქართლი და სამცხე-ჯავახეთი) ისეთ პარტნიორებთან მჭიდრო თანამშრომლობით როგორებიცაა NEO(USAID), RED(DANIDA/SDC) და საქართველოს სოფლის მეურნეობის სამინისტრო, საქართველოს მთავრობასთან ერთად.
ბატონი ქოენი- ყოფილი ელჩი ელ სალვადორსა და ბელიზში, ისრაელის ელჩთან იუვალ ფუქსთან ერთად შეხვდება საქართველოს სოფლის მეურნეობის მინისტრს ბ-ნ ოთარ დანელიას, ბატონებს: კირკ რამერს (Chief Party of NEO, New Economic opportunities(USAID/NE),
ლუის ფაოროს, ღEAP(UშAID/GEOღGIA ღესტორინგ Eფფიციენცყ ინ Agriculture Production REAP, პროექტის მენეჯერს, რასტი შულცს, RED (Rural Economic Development) ხელმძღვანელს და სხვა საერთაშორისო პარტნიორებსა და ისრაელის აგრო კომპანიების წარმომადგენლებს.
ბატონი ქოენი, ისრაელის ელჩთან იუვალ ფუქსთან ერთად შიდა ქართლში მაშავის კურსის "თანამედროვე ტექნოლოგიები მებოსტნეობაში"- დახურვის ღონისძიებას დაესწრება. ეს კიდევ ერთი უმნიშვნელოვანესი პროექტია, რომელიც 2013 წლის შემდეგ სხვა საქმიანობასთან ერთად NEO-თან ერთად განხორციელდა.
ისრაელის ელჩი იუვალ ფუქსის განცხადებით, 2014 წლის ბოლომდე კიდევ 6 პროექტი განხორციელდება, რაც საქართველოსთან პარტნიორობის გაორმაგებსა ნიშნავს.უკვე გამოიკვეთა საქართველოსთან თანამშრომლობის მზარდი ინტერესი. საქართველოსთან მიმართებაში უდიდესი მნიშვნელობა ენიჭება სპეციალისტების გადამზადების შესაძლებლობების გაზრდას, რაშიც ისრაელს შეუძლია რეალური დახმარების გაწევა,რაც მომგებიანი იქნება კერძო სექტორისთვის.
ამ სამუშაო ვიზიტის ფარგლებში პარტნიორებთან ერთად 2015-2016 წლის გეგმები განიხილება.