რუსეთის ფედერაციის „ჰუმანიტარული ტვირთის" კოლონამ უკრაინის სახელმწიფო საზღვარი უკანონოდ გადაკვეთა, საერთაშორისო წესებისა და პროცედურების დარღვევით, საერთაშორისო წითელი ჯვრის თანხმობისა და თანხლების გარეშე. რუსეთმა უკანონოდ დაიწყო საკუთარი „ჰუმანიტარული ტვირთის' შეტანა უკრაინის ტერიტორიაზე. ამის შესახებ ნათქვამია უკრაინის საგარეო საქმეთა სამინისტროს განცხადებაში.
„იმის მიუხედავად, რომ უკრაინის სასაზღვი და საბაჟო სამსახურებმა დაიწყეს ტვირთის გაფორმება, დღეს უკრაინის მოსამსახურეები იქნენ ბლოკირებულნი რუსეთის ძალების მიერ და ჩამოცილებულნი ტვირთის წინასწარი დათვალიერების პროცესიდან, იმის მიუხედავად, რომ ისინი შეთანხმების საფუძველზე მიწვეულნი იყვენენ რუსეთის ფედერაციის ტერიტორიაზე ტვირთის დასათვალიერებლად, თავად რუსული მხარის მიერ. ჩვენ ვშიშობთ ჩვენი თანამშრომლების უსაფრთხოებაზე. ამის გარდა, არც უკრაინული მხარისთვის და არც საერთაშორისო წითელი ჯვრისთვის ცნობილი არ არის რა არის განთავსებული სატვირთო მაქანებში, რაც განსაკუთრებულ შეშფოთებას იწვევს", - ნათქვამია განცხადებაში.
უკრაინის საგარეო უწყება ყურადღებას ამახვილებს იმ გარემოებაზე, რომ ტვირთი დადგენილი წესების მიხედვით არ გადაეცა საერთაშორისო წითელ ჯვარს, რაც ადასტურებს რუსეთის მხარის მოქმედებების აგრესიულ ხასიათს.
საგარეო უწყება ასევე აღნიშნავს, რომ უკრაინულის მხარისთვის წინასწარ არის ცნობილი იმ შეთანხმების შესახებ, რაც არსებობს რუსულ მხარესა და ლუკანსკელ ბოევიკებს შორის, ამიტომაც არ გამორიცხავს რამე სახის გამიზნულ პროვოკაციას.
